Suna Hai Wo Bhi Likhe Ga Hamary Baare Me,

Suna Hai Wo Bhi Likhe Ga Hamary Baare Me,

K Chaand, Aan Samae Ga Ek Sitaaray Me.



Ghazab Ka Zor Ho Jab Paniyon K Dhaaray Me,

Katao Aata Hai Dariyaon K Kinaaray Me.



Phir Es K Baad Koi Raasta Nahi Rehta,

BaQa Na Dhondh Tu Apni Kisi Sahaaray Me.



Ajeeb Log Hain, Majboriyan Kharedtay Hain,

Magar Ye Taye Hai K Rehtay Hain Wo Khasaaray Me.



Ek Aainay Se Bhi Naazuk Hai Kaar Ehal-e-Jahaan,

Hawa K Rehti Nahi Hai Kisi Ghubaaray Me.



Kisay Khabar Thi K Jangal Ko Raakh Kar De Ga,

Ajeeb Aag Chupi Thi Es Ek Sharaaray Me.



Unhen Khabar Bhi Nahi Thi K Mar Rahe Hain Khud,

Wo Saad Gharq Thay Aisay Kisi Nazaaray Me.