Us Ki Jaanib Se Wafa Ho Kabhi Aisa Bhi To Ho

Us Ki Jaanib Se Wafa Ho Kabhi Aisa Bhi To Ho

Be-Talab Jalwa-Numa Ho Kabhi Aisa Bhi To Ho



Meri Aankho'n Se Gire Aap K Haathon Mein Rache

Ye Lahu Masal-E-Hina Ho Kabhi Aisa Bhi To Ho



Zard Musam K Siwa Kuch Nahi Dekha Hum Ne

Barg-E-Umeed Hara Ho Kabhi Aisa Bhi To Ho



Ye Bahane To Tere Roz Ka Qesa Thhere

Tujh Se Wada Bhi Wafa Ho Kabhi Aisa Bhi To Ho



Dewtaa Ban K Sazaon Se Bacha Rehta Hai

Tujh Se Bhi Koi Khata Ho Kabhi Aisa Bhi To Ho



Zindagi Hai Meri Tarasti Huwi Tanha Kab Se

Jaam Ho To Ho Ghata Ho Kabhi Aisa Bhi To Ho



Q Chalen Buzurgon K Roosh Par MANZAR

Us Se Takraar Zara Ho Kabhi Aisa Bhi To Ho.